2022 жылдың 14 ақпанында ауданның ғимаратында Есiл ауданының әкiмi М.Д. Оспановтың төралығымен: СҚО әкiмдiгiнiң ветеринария басқармасының басшысы Б.А. Әлжановтың, аумақтық инспекцияның ветеринарлық бақылауының өкiлi және аудан прокурорының көмекшiсi, селолық округтердiң әкiмдерiмен, ауыл шаруашылығы құрылымдарының басшыларымен және ауданның ветеринарлық станцияның мамндарымен 2021 жылдың қорытындысы бойынша жедел кеңес өттi.

Ветеринарлық станцияның директорының м.а А. Илюкин 2021 жылы атқарылған жұмыстары және 2022 жылға арналған апсырмалар туралы баяндама жасады.

Осы кеңесте келесi сұрақтар қаралды:

1. Ауданның ветеринарлық станциясының есептi кезеңдегi жұмыс нәтижелерi.
2. Прокуратура органдарының ветеринария саласындағы анықталған заң бұзушылықтарды қарауы.
3. Ветеринария мәселелерi бойынша ауылдық округ әкiмдерiнiң ауданның заң және басқа да қызметтерiмен өзара iс-қимылы.
4. Ағымдағы жылдың 6 наурызында күшiне енетiн "жануарларға жауапкершiлiкпен қарау туралы"ҚРЗ түсiндiру.
5. Кейiннен жұмысқа орналастыра отырып, "Ветеринария" мамандығына түсу үшiн мектеп оқу орындарының түлектерiмен үгiт жұмыстарын жүргiзу.

Жоғарыда көрсетiлген мәселелер талқыланғаннан кейiн қатысушыларға Президенттiң 2021 жылғы 1 қыркүйектегi "мал денсаулығы мен өнiмдiлiгi жергiлiктi жерлердегi ветеринарлардың тиiмдi жұмысына байланысты" Жолдауында Үкiметтiң алдына қойылған мiндеттер жеткiзiлдi

Бiрiншi кезекте — бұл тәуекелдердiң алдын алуға және оларға қарсы тұруға, инновациялар енгiзуге қабiлеттi жоғары бiлiктi кадрларды, өз iсiнiң кәсiпқойларын, ветеринариядағы креативтi менеджерлердi тарту және даярлау.

Ал бұл өз кезегiнде ауыл тұрғындарының әл-ауқатына тiкелей әсер етедi.

Екiншiден, жалақыны көтеру, көтерме төлемдердi төлеу, жұмыс үшiн жағдай жасау, тұрғын үймен және өркениеттiң басқа да артықшылықтарымен қамтамасыз ету арқылы мамандықтың беделiн көтеру. Сонда ғана жоғары бiлiктi маман ауылдық жерлерге, шаруашылыққа жұмысқа барады.

Үшiншiден, мал шаруашылығы кешендерi мен фермаларында зоотехникалық және санитарлық нормалар қатаң сақталуға, процестердi цифрландыруға енгiзiлуге тиiс. Бұл шаруашылықтың эпизоотиялық салауаттылығын сақтаудың маңызды құрамдас бөлiгi.