«Солтүстік Қазақстан облысы әкімдігінің ветеринария басқармасы» коммуналдық мемлекеттік мекемесінің «Есіл ауданының ветеринариялық станциясы» шаруашылық жүргізу құқығындағы мемлекеттік коммуналдық кәсіпорны 3 мемлекеттік қызмет көрсетеді:

• Ветеринариялық анықтаманы беру

• Ветеринариялық паспортты беру

• Ауыл шаруашылығы жануарлары туралы мәліметтерді өзектендіру (түзету)

Мемлекеттік қызметтер ТЕГІН, қатаң түрде ауыл шаруашылығы жануары иесінің өтініші бойынша көрсетіледі. Мемлекеттік қызметті көрсету нысаны электрондық (ішінара автоматтандырылған) қағаз түрінде. Халықтың мемлекеттік қызметтерге тең қол жеткізуін қамтамасыз ету мақсатында ветеринариялық станция ғимаратында ақпараттық стенд, брошюралар, көрсетілетін мемлекеттік қызметтер туралы өтініштердің үлгілері және оларды көрсету тәртібі бар.

Азаматтар мемлекеттік көрсетілетін қызметтерді алу үшін көрсетілетін қызметті берушіге - Қазақстан Республикасының еңбек заңнамасына сәйкес демалыс және мереке күндерін қоспағанда, дүйсенбіден бастап жұманы қоса алғанда, сағат 9.00-ден 18.30-ге дейінгі түскі үзіліспен сағат 13.00-ден 14.30-ге дейін жүгіне алады.

Ветеринариялық анықтама - орын ауыстыруға (тасымалдауға) жататын бақылаудағы тауарларға берілетін құжат. Ветеринариялық анықтаманы беру мерзімі 1 (бір) жұмыс күні ішінде. Тірі жануарларды немесе жануарлардан алынатын өнімдерді, техникалық шикізатты, жемшөп пен жемшөп қоспаларын тасымалдауды жүзеге асыру үшін ветеринариялық анықтама алу қажет. Ветеринариялық анықтама Қазақстан Республикасының аумағында жарамды.

• № 1 нысан - тірі жануарлармен бірге жүреді;

• № 2 нысан - жануарлардан алынатын өнімдер мен шикізат;

• № 3 нысан - техникалық шикізат, жемшөп және жемшөп қоспалары;

Мемлекеттік қызметті көрсетуден бас тарту үшін негіздер: 1) жануарлардың аса қауіпті және жұқпалы аурулары бойынша мемлекеттік ветеринариялық-санитариялық бақылау және қадағалау объектісінің шыққан (тұрған), жүру (маршрут) және (немесе) келу (межелі пункт) орнының эпизоотиялық ахуалының нашарлауы;

2) мемлекеттік ветеринариялық-санитариялық бақылау және қадағалау объектісінің қауіпсіздігі мониторингінің нәтижелері бойынша жануарлар мен адам денсаулығының қауіпсіздігіне төнген қатерді растау;

3) мемлекеттік ветеринариялық-санитариялық бақылау және қадағалау нәтижелері бойынша жануарлар мен адам денсаулығының қауіпсіздігіне қатер төндіретін Қазақстан Республикасының ветеринария саласындағы заңнамасы талаптарының бұзылуын анықтау;

4) ветеринариялық анықтаманы алу үшін көрсетілетін қызметті алушы ұсынған құжаттардың және (немесе) олардағы деректердің (мәліметтердің) дәйексіздігі анықталғанда (жануардың жеке нөмірі болмағанда);

5) мемлекеттік қызметті көрсету үшін қажетті жануардың, жануарлардан алынатын өнімдер мен шикізаттың, көлік құралының Қағидаларда белгіленген талаптарға сәйкес келмеуі;

6) көрсетілетін қызметті алушыға қатысты ветеринариялық анықтаманы алуға байланысты қызметке немесе қызметтің жекелеген түрлеріне тыйым салу туралы заңды күшіне енген сот шешімі (үкімі) бар.

Ветеринариялық паспорт - бұл жануар, иесі туралы ақпарат және жүргізілген ветеринариялық рәсімдер туралы деректер енгізілген құжат, атап айтқанда: вакцинация туралы деректер, электрондық чиптің болуы туралы ақпарат. Мемлекеттік қызметті көрсету нәтижесі: ветеринариялық паспорт, ветеринариялық паспорттан үзінді немесе мемлекеттік қызметті көрсетуден дәлелді бас тарту.

Мемлекеттік қызмет көрсету мерзімі:

1) ветеринариялық паспортты беру кезінде - 2 (екі) жұмыс күні ішінде;

2) ветеринариялық паспорттан үзінді беру кезінде - 30 (отыз) минут ішінде.

Қазақстан Республикасының заңдарында белгіленген мемлекеттік қызметті көрсетуден бас тарту негіздері:

1) ветеринариялық паспортты және (немесе) олардағы деректерді (мәліметтерді) алу үшін көрсетілетін қызметті алушы ұсынған құжаттардың дұрыс еместігін анықтау;

2) көрсетілетін қызметті алушының және (немесе) мемлекеттік қызметті көрсету үшін қажетті ұсынылған деректер мен мәліметтердің сәйкес келмеуі;

3) көрсетілетін қызметті алушыға қатысты ветеринариялық паспорт алуға байланысты қызметке немесе қызметтің жекелеген түрлеріне тыйым салу туралы заңды күшіне енген сот шешімі (үкімі) бар.

Ауыл шаруашылығы жануарлары туралы мәліметтерді өзектендіру (түзету) - бұл ауыл шаруашылығы жануарлары туралы мәліметтерді өзектендіруді (түзетуді) жүргізу туралы үзінді көшірмені бере отырып, ауыл шаруашылығы жануарларын сәйкестендіру немесе мемлекеттік қызметті көрсетуден дәлелді бас тарту.

Мемлекеттік қызмет көрсету мерзімі құжаттар тіркелген күннен бастап 10 (он) жұмыс күні ішінде.

Қазақстан Республикасының заңдарында белгіленген мемлекеттік қызметті көрсетуден бас тарту негіздері:

1)    мемлекеттік көрсетілетін қызметті алу үшін көрсетілетін қызметті алушы ұсынған құжаттардың және (немесе) олардағы деректердің (мәліметтердің) дәйексіздігі анықталғанда;

2)    2) көрсетілетін қызметті алушының және (немесе) мемлекеттік қызметті көрсету үшін қажетті ұсынылған материалдардың, объектілердің, деректер мен мәліметтердің Қазақстан Республикасының нормативтік құқықтық актілерінде белгіленген талаптарға сәйкес келмеуі.

Құрметті Есіл ауданының тұрғындары, мемлекеттік қызметті алу үшін Сіз ауылдық округтердің ветеринариялық пункттеріне немесе ветеринариялық станциясына жүгіне аласыз, біз СҚО, Есіл ауданы, Явленка селосы, Тимофеев көшесі, 32 мекенжайы бойынша орналасқан.