Ауыл шаруашылығы жануарларын бірдейлендіру - ауыл шаруашылығы жануарлары туралы мәліметтерді дерекқорға енгізе отырып және ветеринариялық паспорт бере отырып, бірдейлендіруді, таңбалауды жүргізу үшін бұйымдарды (құралдарды) пайдалану жолымен жануарларға жеке нөмір беруді қамтитын жануарларды есепке алу рәсімі.

Жануарларды бірдейлендіру жануарлардың да, сондай-ақ жануарлардан алынатын өнімдердің де қадағалануын, сондай-ақ эпизоотиялық қауіпсіздікті, ел ауқымында ғана емес, сыртқы нарықтарға өткізу кезінде де тамақ өнімдерінің қауіпсіздігін қамтамасыз етеді.

ҚР «Ветеринария туралы» Заңына сәйкес, ауыл шаруашылығы жануарларын бірдейлендіру - бұл жапсыру, таңбалау және жануар мен оның иесі туралы мәліметтерді электрондық деректер базасына енгізу арқылы жеке нөмір беру арқылы жануарларды есепке алу рәсімі. Ереженің талаптарына сәйкес Қазақстан Республикасының аумағындағы барлық ауыл шаруашылығы жануарлары бірдейлендірілуі тиіс. Заңның талабы бойынша ауыл шаруашылығы жануарларының барлық түрлерінің төлдері туған күнінен бастап жеті күн өткеннен кейін он төрт жұмыс күнінен кешіктірілмей бірдейлендіріледі, тек қана құлындар таңбаланған жағдайда төрт айлық жасынан бастап бірдейлендіріледі.

Құрметті Есіл ауданының тұрғындары барлық жеке және заңды тұлғалар өздерінің меншігіндегі ауыл шаруашылығы жануарларын бірдейлендіруді қамтамасыз етуге міндетті екенін еске саламыз. Ол үшін жеке тұлғалар алынған төлдер туралы жергілікті ветеринариялық пунктке хабарлайды, ал шаруа қожалықтарының басшылары әр жылдың басында алдағы төлдеу кестесін (төлдеу, торайлау және т.б.) ұсынуы тиіс. Жергілікті ветеринариялық мамандар өздері қызмет көрсететін аумақтағы мал басын бірдейлендіруді жануарлар иелерінің хабарламалары және берілген төлдеу кестелері негізінде жүргізеді.

Есіл ауданының ветеринариялық станциясы» ШЖҚ МКК