Аурулардың алдын алу және жою бойынша жүргізілетін ветеринариялық іс-шаралар тәртібі

Ветеринариялық іс-шаралар:

1) жануарлар мен адамға ортақ ауруларды қоса алғанда, жануарлардың аурулары мен тамақтан улануының пайда болуының алдын алу, жануарларды, жануарлардан алынатын өнімдер мен шикізатты, ветеринариялық препараттарды, жемшөп пен жемшөп қоспаларын ұстаудың Қазақстан Республикасының ветеринария саласындағы заңнамасының талаптарына сәйкестігін қамтамасыз ету мақсатында жүргізілетін іс-шаралар;

2) шектеу іс-шараларын немесе карантинді қамтитын жануарлардың аса қауіпті және энзоотиялық ауруларының таралуын жою және алдын алу мақсатында бақылау аймағын, буферлік аймақты қоса алғанда, эпизоотиялық ошақта және қолайсыз пунктте жүргізілетін іс-шаралар.

Жануарлардың аса қауіпті ауруларының алдын алу және жою жөніндегі ветеринариялық іс-шараларды жоспарлау және жүргізу тәртібі Қазақстан Республикасы Ауыл шаруашылығы министрінің 2014 жылғы 30 маусымдағы № 16-07/332 бұйрығымен бекітілген Жануарлардың аса қауіпті ауруларына қарсы ветеринариялық іс-шараларды жоспарлау және жүргізу қағидаларына сәйкес жүзеге асырылады.

Есіл ауданының аумағында санитарлық-эпидемиологиялық және эпизоотиялық салауаттылықты қамтамасыз ету мақсатында ветеринариялық қызметтің ветеринариялық мамандары жануарларға да, адамға да ортақ аса қауіпті ауруларға қарсы күзгі профилактикалық эпизоотияға қарсы іс-шараларды орындауды жалғастыруда.

Ауыл шаруашылығы жануарларында жүргізілетін ветеринариялық іс-шаралар мыналарды қамтиды: ауыл шаруашылығы жануарларын бірдейлендіру, оған сырғалау және таврация кіреді, сондай-ақ үй жануарларын чиптеу, зертханалық зерттеу үшін қан алу, ауданның барлық елді мекендерінде жануарларды аса қауіпті жануарлар ауруларына қарсы вакцинациялау жүргізіледі.