Күйдіргінің алдын алу барлық жануарларды міндетті түрде есепке алудан басталады. ҚР «Ветеринария туралы» Заңының 25 бабының 6 тармағына сәйкес, жеке және заңды тұлғалар мал сатып алу, сату, өлтіру немесе сою туралы және әрбір алынған төлдер туралы ветеринарлық мамандарды хабардар етуге міндетті.

Төлді есепке алуды бұзаулар, торайлар мен қозылар үшін 7 күндік жастан бастап 14 күн бойы жалғастыру керек. Айғырларды 4 айлық жасынан бастап есепке алу керек.

Күйдіргіге қарсы вакцинация 3 айдан басталып, 6 айдан кейін қайталануы тиіс, содан кейін жануардың өмір бойы жыл сайын жүргізіледі. Вакцинация жүргізу кезінде міндетті түрде тізімдеме жасалады, оның иесі өз қолымен иммундау жүргізілгенін растайды.

Күйдіргінің пайда болуын және таралуын болдырмау үшін:

1. Жануарларды тек жақсы эпидемиологиялық жағдайы бар шаруашылықтардан және жануарларда күйдіргіге қарсы міндетті вакцинация жүргізілгенін растайтын № 1 нысанды ветеринариялық анықтамасы бар шаруашылықтардан әкелу.

2. Мал сою мал дәрігерлерінің бақылауымен мамандандырылған мекемелерде ғана жүргізіледі.

3. Ет пен басқа да өңделмеген мал шаруашылығы өнімдерін олардың қауіпсіздігін растайтын құжаттар болған жағдайда ғана сатып алуға.

Ауру жануардың ұшасын бөлу кезінде адам көбінесе сібір жарасын жұқтыратынын есте сақтау қажет. Сондықтан мал дәрігерлік тексерусіз және ветеринарлық маманның алдын ала диагнозынсыз малды шұғыл союға болмайды.

Негізгі ветеринариялық нормалар мен ережелерді сақтау өзіңізді және жануарларыңызды сібір жарасы мен басқа да қауіпті ауруларды жұқтыру қаупінен қорғауға көмектеседі.