Ауыл шаруашылығы жануарларын бірдейлендіру дерекқоры (АШЖБ) — бұл диагностикалық зерттеулердің нәтижелерін, сондай-ақ жануардың иесі туралы деректерді қоса алғанда, жануардың жеке нөмірі туралы, оны ветеринариялық өңдеу туралы деректерді тіркеудің бірыңғай, көп деңгейлі жүйесін көздейтін, жергілікті атқарушы органдар құрған және уәкілетті орган пайдаланатын ветеринариялық есепке алудың бір бөлігі.

АШЖБ дерекқорын жүргізу:

1. ауыл шаруашылығы жануарларының иесі туралы мәліметтерді енгізу;
2. сәйкестендірілген ауыл шаруашылығы жануарлары туралы мәліметтерді енгізу;
3. ауыл шаруашылығы жануарларының орын ауыстыруы туралы мәліметтерді енгізу (өзектендіру);
4. ауыл шаруашылығы жануарлары денсаулығының жай — күйі, ауыл шаруашылығы жануарларына карантиндеу, ветеринариялық-профилактикалық, емдеу іс-шаралары мен диагностикалық зерттеулер жүргізу және олардың нәтижелері туралы, оларды жүргізу күнін қоса алғанда, мәліметтерді енгізу (өзектендіру);
5. жануар және оның иесі туралы мәліметтерді дерекқорға өзектендіру (түзету).

АШЖБ дерекқоры ауыл шаруашылығы жануарларын бірыңғай есепке алуды және бірдейлендіруді қамтамасыз етуге, олардың орын ауыстыруын бақылауды автоматтандыруға, ветеринариялық іс-шаралар мен диагностикалық зерттеулердің дұрыстығын қамтамасыз етуге, жануарлар туралы ақпаратты мемлекеттік органдарға беруге, ветеринариядағы қатерлерді басқару жүйесін қалыптастыруға және мемлекеттік ветеринариялық-санитариялық бақылау мен қадағалауды жүргізуге арналған. 

«Есіл ауданының ветеринариялық станциясы» ШЖҚ МКК